-
20.02.2014|
23:39
Մի՛ մերժեր զիս, Տէր, ի հայրական գթոյ քոյ, համարձակիմ ի խնամս սիրոյ քոյ, ի ծնողէդ վերջացայ և զորդիութիւն իմ ուրացայ։ Հա՜յր, մեղայ յերկինս և առաջի քո, չեմ արժանի կոչիլ որդի քո, արա զիս իբրեւ զմի ի վարձկանաց քոց։
-
17.02.2014|
22:31
Լուր, Տէր, աղաղակի անառակիս, որ ամօթով կամ առաջի քո. զգանձն հայրենի վատնեալ` սովամահ կորնչիմ. կերակոիլ հաւասար եղէ խոզից անասնոց անբանից, և նմանեցայ նոցա։
-
14.02.2014|
00:24
Զգեցո ինձ, Տէր, զպատմուճանն զառաջին` զոր մերկացայ մեղօք իմովք, ցոյց զանոխակալութիւնդ քո յիս և լուսափայլ ողորմութեամբ քո զարդարեա զմերկութիւնս իմ։
-
11.02.2014|
00:58
Նայեա, Տէր, ի մերկութիւն անձին իմոյ զոր կողոպտեաց թշնամին, և այժմ խայտառակ և ամօթալից կամ առաջի քո աստուածային գթութեանդ, մարդասիրեա և զգեցո ինձ զհանդերձ հարսանեաց, և մոյծ և ուրախացո զիս ի կոչումն բազմելոց քոց։
-
07.02.2014|
00:52
Փակեա, Տէր, զդուռն մեղաց իմոց և բաց ինձ զդուռն լուսոյ և արդարութեան, զի երկիւղալից սիրով եկից զհետ կոչողիդ իմոյ արարչիդ, որ ասացեր.
-
03.02.2014|
23:27
Պահեա զիս, Տէր, ի բանից և ի գործոց, ի տեսութեանց և ի գերիչ խորհրդոց. և զերկիւղ դատաստանի քո տպաւորեա ի սրտի իմում` անզբաղ յօժարութեամբ մտօք փութալ և պահել զպատուիրանս քո։
-
31.01.2014|
00:43
Յորժամ երթայցեմ, Տեր, ի ճանապարհս, մի՛ թողուր զիս միայն. այլ առաքեա զօգնականութիւն քո զհետ իմ՝ պահել զիս յամենայն փորձութեանց սատանայի ի տուէ և ի գիշերի. և մի՛ տալ թոյլ մեղանչել մտաց իմոց, այլ կոծել զկոծ մեծ ի վերայ մեղաց և անօրէնութեանց իմոց։
-
-
21.01.2014|
00:35
Առաքեա, Տէր, զլոյս քո և լուսաւորեա զմիտս իմ և զխորհուրդս իմ լուսով գիտութեան քո. զխավար մեղաց մտաց իմոց հալածեա, և զտկարութիւն անձին իմոյ կարողացո ի ջանս և ի վաստակս հոգւոյ իմոյ։
-
17.01.2014|
00:04
Առաքեա Տեր՝ զբաժակ ուրախարար հոգւոյդ սրբոյ ի յեղկելիս՝ որ ծարաւիմս առ քեզ. արբո և զուարթացո զեռանդն սիրոյ քո ի սրտի իմում. լոյծ և ի բաց ջնջեա զմրուր դառնութեան յանցանաց իմոց։