-
19.11.2013|
00:03
Թեթեւացո, Տէր, զկարիս մարմնոյ իմոյ, եւ յաճախեա յիս զշնորհս հոգւոյդ սրբոյ լինիլ տաճար եւ բնակարան աստուածային կամաց քոց. եւ անյագ սիրով սիրել զքեզ եւ ատել զամենայն ցանկութիւն եւ զսէր աշխարհիս այսօրիկ, որով եղեւ կորուստ և յանցումն հոգւոյ իմոյ։
-
15.11.2013|
00:01
Ազատեա զիս, Տէր, ի ծառայութենէ մեղաց և խառնեա զիս ի թիւս ծառայից քոց, որք սիրեցին զքեզ և զպատուիրանս քո պահեցին. տուր զերկիւղ նոցա ի սրտի իմում, և ուսո զիս գնալ ի շաւիղս գնացից նոցա։
-
12.11.2013|
00:02
Զարթո զիս, Տէր, յահագին խորութենէ քնոյ մեղաց իմոց, և զտարակուսեալ մարմինն իմ զգաստացո յամենայն գործս բարիս խորհել միշտ` մեծաւ երկիւղիւ առնել զհաճոյս քո յամենայն ժամ։
-
08.11.2013|
00:02
Հալածեա, Տէր, զխաւար ի հոգւոյ իմմէ, և զգեցո զլոյս արդարութեան ճառագայթից քոց. զարդարեա երկիւղիւ և զղջմամբ արտասուաց զսիրտ իմ երկնչել ի դատաստանաց քոց, և պահել զամենայն պատուիրանս քո։
-
05.11.2013|
00:02
Հան, Տէր, զփուշ մեղաց ի սրտէ իմմէ, զի զհոգի իմ հանապազ խոցոտէ և վիրաւորէ. և սերմանեա սերմն բարի ի սրտի իմում՝ աճեցուցանել և պտղաբերել զարդարութեան պտուղն։
-
01.11.2013|
00:02
Ծագեա, Տեր, զլուսավորութիւն և զխաղաղութիւն շնորհաց քոց ի սրտի իմում, և զցավագին գիշեր մեղաց ի մտաց իմոց հալածեա. և մարմնոյ իմոյ շնորհեա զարիական վարս՝ առաքինությամբ կեալ ի հաճոյս կամաց քոց յամենայն ժամ։
-
29.10.2013|
00:02
Արբո, Տէր, զծարաւ հոգւոյ իմոյ յառատաբուխ շնորհաց քոց. և մի՛ անտես առներ զտոչորումն սրտի իմոյ, որ պապակիմ ի տապոյ աստի չարեաց իմոց. զովացո և լուա զապականեալ և զհոտեալ շրթունս իմ ջրո ողորմութեան քո։
-
24.10.2013|
23:15
Ձգեա, Տէր, զձեռն Քո ի նաւաբեկեալս, որ ընկղմեալս եմ ի խորս չարեաց, և փրկեա զիս ի սաստիկ ծովածուփ բռնութենէ ալեաց մեղաց իմոց։ Սանձեա, Տէր, և կարկեա զխստերախ միտս իմ ի զբաղմանց ունայնութեանց կենցաղոյս։
-
22.10.2013|
00:06
Աղբերացո տէր` զգլուխ իմ ի բղխումն արտասուաց. լուա ըզթարախ հոգւոյ իմոյ, սրբեա զզգայարանս իմ և զգործողս չարեաց փոխարկեա ի զղջումն ջերմութեան սիրոյ քոյ` զգաստ մարմնով կեալ ի պատուիրանս քո։
-