Յարեւելից մինչեւ ի մուտս արեւու օրհնեալ ես,
Տէ՛ր, վասն զի Թագաւոր քաղցր ես,
եւ անուն Քո ահեղ է ընդ ամենայն տիեզերս:
Քաղցրասցին սաղմոսերգութիւնք մեր առաջի Քո,
ելցեն իրաւունք յարդարութենէ Քումմէ ի տկարութիւնս մեր,
եւ փառաւորեսցի ամենասուրբ անուն Քո:
Եւ մեք արժանի եղիցուք կալ ի պատուիրանի Քում
եւ Քեզ երգել զօրհնութիւն
եւ զփառս
Հօր
եւ Որդւոյ
եւ Հոգւոյդ Սրբոյ
այժմ եւ միշտ եւ յաւիտեանս յաւիտենից:
Ամէն: